「阿仔阿女，起身返學啦﹗著夠衫，快啲啦﹗」

「得啦﹗阿媽，你唔好咁煩啦﹗」

「仲唔出門口，就遲到啦﹗」

「你仲叫住我，係你令我遲到，煩死人啦﹗」

隨著對話的完結，通常屋門便會應聲”嘭”的一聲關上。

屋外的阿仔阿女只會覺得阿媽煩得要命，而屋內的阿媽好像吹脹的氣球，這一刻才慢慢放鬆下來。

那些年，我仲係阿媽個女，我發誓將來不要重蹈覆轍，免得俾仔女話我好煩。點知做人阿媽之後，便會「阿媽上身」，控制唔到自己對仔女的事事關心、事事擔憂的態度。莫非俗語所謂「養兒一百歲，長憂九十九。」

我決定改變態度，因為仔女都踏入青春期，係時候由他們對自己的事情負責。於是，我發出預警，由某月某日開始，阿媽只會按章工作，即是不會插手他們要做的事，但是會從旁監督。當然，我需要一個適應時間，仔女也要。最開心的人，莫過於是家中阿爸，從始他減少為家中的矛盾而煩惱。

各位阿媽，孩子長大了，我們要懂得放心放手，讓他們經驗成長的歷程中不可缺少的磨練。